Helgina 10. - 12. sept verður haldin flugslysaæfing á Egilsstaðaflugvelli á vegum Flugstoða ehf. Að svona æfingu koma flest allir viðbragðsaðilar á svæðinu þ.e. lögreglan, slökkvilið, sjúkraflutningar, Björgunarsveitir, Rauði kross, prestar og margir fleiri.

Æfingin sjálf hefst á laugardaginn 12. sept. kl. 11:30. Sett verður upp flugslys við norðurenda flugbrautar þar sem Fokker 50 á að hafa hlekkst á við lendingu með milli 40 og 50 manns innanborðs. Fengnir verða leikarar sem eru farðaðir með mis mikla áverka. Allt heimafólk.