Miklar breytingar hafa átt sér stað á skrifstofuaðstöðu á slökkvistöðinni á Egilsstöðum. Húsgögn hafa verið endurnýjuð, veggir málaðir og parket sett á gólf. Brunavarnir á Héraði fluttu inn í þessa slökkvistöð fyrir um 10 árum og þótti þá nóg um. Gamlan skrifstofubúnað átti að nota til að byrja með og var sá búnaður enn í dag.

Brunavarnir á Austurlandi notar þessa aðstöðu í dag og er um tvær skrifstofur að ræða fyrir slökkviliðsstjóra og aðstoðarslökkviliðsstjóra. Einnig var sett upp aðstaða fyrir varðstjóra.

Brunavarnir á Austurlandi
óskar öllum gleðilegra jóla og farsældar á komandi ári.

Þökkum samstarfið á árinu sem er að líða og vonum að allir eigi slysalausa hátíð.

                 

Óskað var eftir aðstoð slökkviliðs Seyðisfjarðar við reykræstingu í gærkvöld. Fór tveir menn á staðinn og kom þá í ljós að skaðinn var meiri en bara reykræsting. Eldur hafði komið upp í einhverskonar skreytingu og myndaðist mikið sót í íbúðinni.

Brunavarnir á Austurlandi vill minna fólk á að huga vel að logandi kertum þegar íbúð er yfirgefin. Einnig viljum við benda á mikilvægi þess að vera með reykskynjara helst í öllum herbergjum og svo handslökkvitæki sem hengja skal upp á áberandi stöðum.