Sett hefur verið á æfing í heitri reykköfun og er þá notast við eldgám sem kom frá    Brunamálastofnun. Boðaðir hafa verið reykkafarar frá öllum starfssöðvum Brunavarna og er þáttaka ekki ljós þegar þetta er skrifað. Farið verður í fyrilestur um hættur reykköfunar og síðan kveikt upp í gámnum og fylgst með þrónuneldsins og hann síðan slökktur.

Haldin var slökkviliðsæfing á Vopnafirði í gærkvöld. Farið var yfir allan búnað og dælugeta prófuð. Búið er að setja lausadælu fasta aftan í 71-571 er er orðinn tankbíll úr því að vera slökkvibíll eftir að dælan í honum hrundi. Einnig var farið í gegnum allar sem þurfa gangsetningu við. Farið var yfir nýju háþrýstidæluna í 71-171 sem er tækja og mannabíllinn. Þetta gekk allt vel og á eftir var boðið upp á flotta marenstertu sem menn gæddu sér á eftir góða æfingu.

Slökkviliðsæfing var haldin á Seyðisfirði á s.l. mánudagskvöld. Mætting var góð eð 9 af 10 slökkviliðsmönnum. Æft var vatnsöflun úr brunahönum. Fyrst var farið yfir nokkra þætti á glærum og síðan farið á verksmiðjubryggju og tengd var tvöföld 3" lögn frá brunahana í safnstykki við dælu á slökkvibíl. Síðan lagðar tvær burðarlagnir að greinastykki og síðan deilt út á fjóra stúta. Skemmst frá því að segja að bruanhaninn kom virkilega vel út og skilað því magni sem til var ætlast af honum.

Æfingin gekk vel í alla staði. Flest allir slökkviliðsmenn á Seyðisfirði eru nýliðar og standa þeir sig virkilega vel og eru áhugasamir við að læra hlutverk slökkviliðsmannsins.