Slökkvilið Vopnafjarðar var kallað út í bílslys í dag kl. 10:35 á Sandvíkurheiði. Tilkynning útkalls var með þeim hætti að tveir menn væru fastir í bílnum en engin slys á fólki. Þegar Tækjabíll mætti á staðinn voru allir komnir út og ekki þörf á aðstoð á staðnum. Eins og áður sagði voru engin slys á fólki og þykir það mikil mildi þar sem bíllinn var mjög illa farinn. Á staðinn mættu sjúkrabíll, lögreglan og slökkvilið.