Útköll á árinu 2010 voru 17 hjá Brunavörnum á Austurlandi, þar af 13 eldútköll og 4 í bílslys. Ekkert útkall varð á slökkviliðið á Djúpavogi og ekki heldur á slökkviliðið á Borgarfirði. Mesta eldútkall á svæðinu varð 30 júní í Fellabakarí en kölluð voru til aðstoðar slökkviliðin á Seyðisfirði, Fjarðabyggð, Vopnafirði og einnig Björgunarsveitin Hérað.

Slökkviliðið á Egilsstöðum var kallað út 18 desember til aðstoðar vegna elds í spenni í Álverinu á Reyðarfirði. Þetta var án efa mesti eldur sem slökkvilið hafa staðið frammi fyrir á Austurlandi og mikil ógn sem af honum safaði og gat haft veruleg áhrif á þjóðarhag.

Slökkviliðsmenn á Seyðisfirði ganga í hús næstu kvöld og bjóðast til að taka við handslökkvitækjum og koma þeim á skoðunarstöð og skila þeim aftur að yfirferð lokinni.

Einnig munu þeir bjóða til sölu reykskynjara, eldvarnateppi og handslökkvitæki.

Helgina 15-17 október var haldið á Egilsstöðum á vegum Brunamálaskólans námskeið fyrir stjórnendur slökkviliða. Á vegum Brunavarna á Austurlandi sóttu námskeiðið 12 varðstjórar, ásamt þremur úr Fjarðabyggð og einnig tveimur frá Grenivík. Námskeiðið tókst einstaklega vel og er þetta í annað sinn sem haldið er svona námskeið frá því að Brunavarnir á Austurlandi urðu til árið 2007.

Á sama tíma undirrituðu Slökkviliðsstjórarnir í Fjarðabyggð og Brunavarna á Austurlandi samsstarfssamning um gagnkvæma aðstoð slökkviliðanna.